قولي بنساك وأنا أبتحداك !

[رٌٍآئدًٍ بٌَِنْ عًٍبٌَِدًٍآلرٌٍحٍّمًنْ]

روحي جعل ربي يسعـدك بدنيـاك
يلي طيبك غير عن كـل الخلايـق
روحي بس أخـذي روحـي معـاك
ترى قلبي من دون قلبـك ضايـق
أطلبي كل ماتبي أنـا كلـي فـداك
والكبرياء بين الاحباب مـو لايـق
لاتقولي محمد أنـا أنتظـر فرقـاك
لجل قلبك مغتاض وماهـوب فايـق
قولي إنساني قولي وأنـا أبتحـداك
إن قدرتي تشيليني من طيفك دقايـق
اللي بيننا ماهو حب وقولـة أهـواك
شي أكبر من الحب بالحيـل فايـق
شي يتعدى الخيال ويتعداني ويتعداك
ومن كل أحاسيس الحب ماخذ وبايق
يحسدنا عليه الكل هذا وهاذي وهذاك
ومجنون الحب ومتعصبه والرايـق
إن كنتي لي أرضي كنت لك سمـاك
وإن كنت لك قمرتك كنتي لي طرايق
بيننا اشياء خارقه بدت مـن هنـاك
بين أرض الحب والولى وعدة حقايق
كل الحكاية لولاي أنا وإنتي لـولاك
ما أنخلق شي لا للمستحيل ولا للعايق
معليه غيبي وأنا بتظاهر إني أنسـاك
بس دخيلك طمنيني عليك لو دقايـق

انشاءالله تعجبكم...

[ماجـ 9 دونا]

والله كلمات حلووه



تنقي الكلام الحلو


شكرا ريووودي



يعطيك العافيه



تحياتي0000

[رٌٍآئدًٍ بٌَِنْ عًٍبٌَِدًٍآلرٌٍحٍّمًنْ]

العفوو خيووو ماجد

الله يعافيك

والف شكر لك على مرورك الكريم

[غيمه عطشانه..]

والكبرياء بين الاحباب مـو لايـق

هذا بلا ابوووووووووووك ياعقاب..

صح لسانك مليون اخوي رائد على القصيده ,,

تحيتي ,, غيمهـ

[فزوـوـوـولها]

تسلم عليك فزولها وتقول ..

صح لسانك مليوون ومايسدون ..

قصيده رائعه..

ماننحرم منك ولا من تميزك وابداعك ..

سلامنشن

[رٌٍآئدًٍ بٌَِنْ عًٍبٌَِدًٍآلرٌٍحٍّمًنْ]

صح بدنك اختي غيمه

والف شكر لك على مرورك الكريم

[رٌٍآئدًٍ بٌَِنْ عًٍبٌَِدًٍآلرٌٍحٍّمًنْ]

صح بدنك اختي فزولها

والعفوو خيتوو

والف شكر لك على مرورك الكريم