ردي على غيمه خخخخخخ

[فزوـوـوـولها]

مرحبا حباني..أزيكم؟؟ >>ماتجي..


قبل شوي وأنا جالسه أكتب على الكيبورد.. حسيت بقرسة برد.. شعرت من خلالها بالبرد>>


وقل في نفسي..اللــــه يازين الشتاء..بعدين هونت.قلت.لالالا مب زين.. أكيد بتستغربون ليه هونت..


تذكرت موقف صارلي العام..يكرهك يومك..


>>بالله وش رايكم بالمقدمه والتجانس الوضوعي؟؟


المهم جلست افكر جلست افكر جلست افكر <<الله الله ياافلاطون بن شكسبير ..

ايه ..

قلت انا لي متى وحالتي كذا ..(وجه يفكر ..

ليه متى وانا ماتزوجت ..(وجه دخله شوية يأس )


وبنفس الوقت ..


غيمه ام كشه ذا اللي كنه فاععن بوجهه اسطوانه غاز ...
دايم تعيرني ..



تقول متى بتعرسين بالعانس ..<<وهي صادقه



المهم تفجرت عندي مشاعر مختلطه من الحماس والدفاع عن نفسي ..(وجه متحمس)


والصد بوجهه غيمه الشريره

..
فكتبت هالابيات الكيبورديه ..


ردا عليه وهي وكشته ..


بسم الله (وجه بيقول قصيده )


يالله يــــــــــاعــــالم بحـــــال البــــريه
,,,,,,,,,,,,,,,,,,,ياملبي دعوة المكروب لاانصــــاب

تفرج على من صـــــــارت لغيـــمه مطيه
,,,,,,,,,,,,,,,,,,لين قفلت في وجهها كل الابـــواب

كنت احسب اني بنت وامشي على النيه
,,,,,,,,,,,,,,,,,,اثري عجــــــوز وين انــا والشباب

تقول ابــــــــــوك لوانه يمــــــدك عطيه
,,,,,,,,,,,,,,,,,ان مافـــــقع عينك وكسر لك النــاب

تقول من ياخذ عانسن كــــــــــنها رقيه
,,,,,,,,,,,,,,,,,,ماتوخذ البنت الاعلى كم من اسباب

وانتي لاجسم ولاعيون ولازول بالـــعبيه
,,,,,,,,,,,,,,,,,,مابقى شي الاوعابته حتى الاثـواب

وانتي على كثر ماشفت اقشــــــــر بنيه
,,,,,,,,,,,,,,,,,مااظن بيجــي يوم واحد يضرب الباب

جننتني راح عقـــــــــلي الا شــــــــويه
,,,,,,,,,,,,,,,,ذكرتني بشــــــي ماحسبت له حساب

صرت افكر فيه صبــــــــــاح وعشـــيه
,,,,,,,,,,,,,,,,متى يجي رادي النصيب ونكتب كتاب

واكسر عين غيمه وماعاد تضحك علــيه
,,,,,,,,,,,,,,واصير راعيه بيت وعندي قدور وأكواب

واعيش مع زوجي بعيشه هنــــــــــــيه
,,,,,,,,,,,,,,,,,,,,,واعزم ببيتي واسوي كل ماطاب

واحاتي رجال لو غاب عني شـــــــويه
,,,,,,,,,,,,,,,,واتكشخ وابخبخ انواع الاطـــــــــياب

واتدلع احسن من اللي بالــــــــــتمثليه
,,,,,,,,,,,,,,,,,,,,واجطل على جنب سميه الخشاب

واجيب لي ورعن محد جاب زيــــــــــه
,,,,,,,,,,,,,,,,,,مايلبس الا الجنز والتي شرت والكاب

ومااشتري له الا من المملكه والفيصليه
,,,,,,,,,,,,,,,,واجيب له كل ماوده من حلاو ومن العاب

واخليك ياغمغم تحرمين التشمت فيه
,,,,,,,,,,,,,,,, لاجاب لي حظي المزيون عريب الانساب

يالله ترسله علي مثل الهديه
,,,,,,,,,,,,,,,,,وماادراني الداري الا وهو يضرب الباب

يالله تفرج علي واصبح مريه
,,,,,,,,,,,,,,,,,,,, وتقهر ام كشه ياقادر ياوهـــــاب

سلامنشن

[غيمه عطشانه..]

[فقط الأعضاء المسجلين والمفعلين يمكنهم رؤية الروابط]


ههههههههههههههه

وربي من جد تبطين عظم مااعرستي يالعانس

هههههههه


لي رجعه احس عيوني بتنفجر من النوم وربي

<< بتخيل شكلك متزوجه

خخخخخخخخخخخخخخخخخخخخخخخخخ


غيووووووووووووووومتس

[●{الوتــَـَـِـِـِـيـن}●]

واكسر عين غيمه وماعاد تضحك علــيه
,,,,,,,,,,,,,,واصير راعيه بيت وعندي قدور وأكوابواتدلع احسن من اللي بالــــــــــتمثليه
,,,,,,,,,,,,,,,,,,,,واجطل على جنب سميه الخشاب
الله الله يافزفوزه متى ارقص بعرسك مع اني مااتوقع ارقص لانك ماراح<<<تتزوجين الا بعد زواج ولد غيوم هههههههههههههههه
ياقلبي يافزفز ان شاء الله تعرسين وتعرس البسه اللي بجنبك <<<تقصد غيوم

[بقآيآ أحسآس]

يعطيك العافيه فزولها

[فزوـوـوـولها]

غيوم لااشوفتس مومطةطه عند هالموضوع الحساس ...


انا ابي الاعضاء يدعون ليوانتي تدعين علي ..


انزلعي

[فزوـوـوـولها]

امور

الله يسمع منك يارب بس انا والا غيمه وجهها مو وجه زواج ذي وربيان يهج من اول ليله وان بدل مايلبس ثوب ابيض
يلبس بنفسجي ..<<مبالغه بالجنون


عسى الله يسعدك وارقص على عرس بشرط ..على اغنيه ساكن دبي <<تموت على هلاغنيه


سلامنشن

[فزوـوـوـولها]

ويعافيك عاشق

شوكرن وسهلن ..



سلامنشن

[همس الغلا]

هههههههههههههه



يعطيك العافيه يالعانس

[فزوـوـوـولها]

هلا هموس

وش بك علي

اعدتك ام كشه غيوم

هههههههههه

يسعدك ربي

شوكرن وسهلن

[سواد الليل]

العريس


وصل

افااااااا يابعدي

تخلين

غيوم

تتشمت

فيك

اليوم بجي

اخطبك

ومرة وحدة

نزوج

وش رايك

[فزوـوـوـولها]

سواد وش بلاك ابطيت ماجانا احد للحين ..

ابوي مانااااام يحتريك ..


لالالالالالالالالالالالالالالالالاع سواد لاتكون فرت راسك غيمه وغيرت رايك ..


سواد الليل

يسعد قلبك ..


سلامنشن

[رٌٍآئدًٍ بٌَِنْ عًٍبٌَِدًٍآلرٌٍحٍّمًنْ]

والصد بوجهه غيمه الشريره
ههههههههههههههههههههههههههههههههههههههههههههه ه

قاعد اتخيل المنظر هههههههههههههههههههههههههه

[غًـِِّـِِّ آلشًِْوٍقٌٍ ـِِّـِِّلآ]

هههههههههههههههههههههههههههههههههههههههههه


صح لسانكِ ولاهنتِ فزفز


ربي يكبرك ويزوجك ويرزقك من العيال درزن

يا بعد قلبي















غـلا الشـوق

[فزوـوـوـولها]

هلا رائد

تسلم على حضورك

بس لو قطيت علينا دعوه ..يمكن تصيب ونعرس هههههههه

يسعدك ربي

سلامنشن

[فزوـوـوـولها]

هلا غلو

صح كلك ..

ومن يقول

واشوف بزارينك 35 بنت و 80 ولد ..

يسعدك ربي ..

سلامنشن

[رٌٍآئدًٍ بٌَِنْ عًٍبٌَِدًٍآلرٌٍحٍّمًنْ]

ههههههههههه

اذا تبين أدعي لك راح أدعي لك انك ماتعرسين وش تبين بالشقاء والهم

<<< مظرب عن الزواج

[فزوـوـوـولها]

لالالالالالالالالالا

حرام عليك اي شقا ..

اللي يدري يدري والا مايدري يقول كيس عدس

الزواج استقرار وراااااااحه نفسيه

انت بس ادعي ..(وجه حاط رجل على رجل يحتريك تدعي له )

سلامنشن

[دحوومي]

اقول تراني اعرف ارقص


لاتنسين تعزمينا لين انشاءالله

[فزوـوـوـولها]

هلا دحووووومي

خلاص خمس طعش وعشرين الف دعوه ..لك علشان تجي

<<<هذا لا اعرستي ..<<تبطين عظم


شوكرن وسهلن دحووووومي

سلامنشن

[سلطان زمانه]

اقول فزفز الله يعينك بتروح نص فلوس المهر
اهداءات حركة ذا اليومين

[فزوـوـوـولها]

حياك سلطان ...

بجد عندك خبره بحركات الزواجات ..

شكلك مكروف من قبل الخوات ههههههههههههههههه

سلطان شوكرن وسهلن على حضورك ..

سلامنشن

[يســـ$$$الصمت$$$ـــود]

توك على العرس يا اجمل بنيه 000 استمتعي بحياتك وعمر الشباب