فزفز والبلشه ....

[فزوـوـوـولها]

سلام مربع لكل مرتادي هالصفحه <<<بدينا بالمصاله .....




ادري بتقولون ضاقت الاوقات يوم انتس تنزلين هالموضوع بهالوقت...



لكن اقولكم كيفي... عاطله باطله جالسه اعدّ شعر راسي..

فقلت لنفسي وسعي صدرتس ولفي بهالمواقع كودتس تلقين شي تلهين فيه



غير شعر راستس عشانه بدى يحت...


خيويني وخيواتي الاعزاء ....

انا كنت اسمع بشي اسمه براءه الاطفال ...بس مدري وشو ...لاني انا البراءه مشرقه وانا مغربه ..

مااعرف وشو البراءه ...

بس اكتشفت البراءه <<احمدي ربك كشفتيها قبل لاتكتشفك ك ك ك <<بايخه ..


الميهمن والمهمات ...

في احد الايام الماضيه القريبه وليست بالبعيده ...كان هناك بنت اسمها فزف <<وش رايكم ببدايه القصه انفع كاتبه صوحفيه <<امرحي بس

وانا بالمطبخ ..<<المقر الرئيسي لفزفز


كنت اسوي الغدا لاهلي ..<<وش كان الغدا ...

كان غدانا اكل <<احلفي ...


المهم

سمعت الجرس ...

صحت بصوت عالي ..من بيخبط <<على بالها بمسلسل مصري ...
رحت افتح الباب ادري انهم من الطبقه الكادحه ...راعين المدارس ..

اها ...

مادريت الا اللي دخل بسرعه الرعد <<البرق ياللخبله ..الله يخلف على امك ....


الا وهي بنت اخوي مسرعه ..

ضحكت ضحكه خفيفه ضحكت اللي عارف ليه هالبيه تركض ...

انا قلت اكيد انها معزوقه وتبي تروح للباث روم وانتم بكرامه ...<<<خابره نفسها وهي صغيره ..


وسكرت الباب ورجعت الا واسمع الجرس مره ثانيه ...

جلست اقول في نفسي مين اللي عند الباب ....قالت نفسي ...طيب ليه ماتروحين تفتحين انتي ووجهتس ..سمعت كلام نفسي ورحت افتح الباب ...

فتحت الباب ...

ماشفت احد ...

جيت بسكره الا اللي ماسكه الباب ..

يمه مدري من وين طلعت لي ...

الا وهالبنيه الصغيره ...هي وشنطتها اللي كبرها مرتين ...

عيونها حمرومبققه ..

ووجهها احمر... ومتخاطه ..دموعها ..وسائل ..ماراح اقول من وين ...تصيح متقطعه ...


قلت بقلبي ..نعنبو ابليس لمو ..اكيد ضاربتن هالضعيفه ..

والله ماهي ضعيفه الضعيفه انا ..

تجيكم السالفه ...


قلت وشفيك يماما ...

جيت بسوي نفسي حنونه ...قلت ادخلي يماما مين ضربك ...

قالت ماعلي منتس ...

هاتوا ريالي..

هينا انا بدت تطلع عندي الاخلاق التجاريه ...

قلت لا تنفخين لاافقع وجهتس ...

قالت اقول هاتي ريااااااااااااالي بصوت عالي ...

نعنبوا حيها بتفضحنا وش بيقولون جيرانا ..


يقولو فزفز تخانق مع صغيره علشان ريال ...

ومن العوابه في ذا الصغيره موقفتن سواق الباص ينتظرها تطال بحقوقها ..

عاد مصري ..اكيد قايلتن له ..بعطيك نص والا مايحتريها ...

المهم نرجع للصغنونه ...

قلت ..

تعالي يماما بعطيك جالكسي ...


عاد مرهيه على واحد عندي بالثلاجه ...

الصغيره من قلت جالكسي وهي تهجد ....

الا ذا السواق يقوم يدق بوري ...

يافضيحتنا ...بيقولون وش عنده ذا سارقين له شي ...يدق بوري بقوه ...

قلت لابوي ..اطلع ...سولف معه لين اسكت ذي ..

ماهي حالتن عنا ...لين نعطيها ريالها ...

رحت للثلاجه ...

مالقيت الجالكسي ...

يلعنك ..سمسم ..ماكلته ..لقتها حلى ...

اخذت على الجالكسي ...


المهم ..

وانا اروح للمى ...

قلت عطيني ريال هالنشبه ...بسرعه خل تنقلع ...

قالت ..

ماهو معي ...

وانا امسكها وبكف <<نعنبوا الاسلوب والتعامل مع الاطفال ...


قلت هاللحين ليه تاخذين من هالنشبه ..

معك فلوس ليه تاخذين ...

قامت تصيح ..

انا هنا ..

حسيت بعاطة العمامه ..<<يعني العمه ...

قلت يماما وين ريالها بسرعه ...

قالت والله مااخذت

قلت هي تقول اخذته ...
قالت والله ياعمه فزفز

انها ...

عطتني ريال وقالت اشتري لي فيه عصير...وشريت لها وعطيتها العصير وشربته ..

يوم خلصت قالت عطيني ريالي ...


انا بنت ابوي <<<فزفزقالت هالجمله ..وراحت ركض على هالصغيره ...تبي تكفخها ..

بعدين حسيت ..

ان بريستيجي مايسمح ...

لابوها ولابو المدرسه اللي تعرفها ..بكره ننقل لمى مدرسه ثانيه ...>>>>ام الحلول الغلط ...

رحت ادور لها ريال ..مالقيت عندي ..

لقيت خمسه ...ومنشقه بعد ..

قلت خوذي يماما هذا ريالك ..

بسرعه الباص يدق بوري تاخرتي عليه ..

وهي تقوم تصيح وتصارخ لالالالالالالالالالالالالا هذا ماهو ريالي

<<<ياليل اللي مافيه مسرى ...

وانا اروح ..

ادور والقى عند زوجت اخوي صرف ...
واخذ ريال ...

وامسكها ....

من رقبتها ...

واشوتها ...

برا البيت ...

يلعن ام الريالات اللي تعرفين .....

ريال اجل لو انتس من هذولا اللي خصروا بالاسهم وش سويتي .....

ورجعت للمى قلت اشوفتس تسوين لااحد خدمه ...

العن ابو من جابتس <<ونعم التربيه ...

وش نسوي بهالبزارين مايجون الا تسذا

آه وربي بعدها ضحكت ...

الله على الاطفال وبراءتهم وعقولهم المصديه ..........

وهذي كل السالفه ...


السموحه ...

...بعد ان طال كلامي...ياربيه تعبت..

مدري وش اللي حادّني؟؟

باحتراء اراءكم حباني الاحباء..


سي يو تيرن

[{روحـےْ ..~]

ههههههههههههههههههههههههههههههههههه

لا حووووول ولا قوة الا بالله ..

اجل احد يعاف الـ خمسه .. وياخذا الريال

وربي أن الاطفال مشكله ..

فز فز .. وربي أنك منسمه ههههههههههههههههههههههههههههه

الله يخليك حق اهلك و حق الصغيرااااات ذووووووووولي


بس ممكن صورة للبنوته اللي تبي الريال :$:

< بفكر اخطبها حق ولد اختي .. :8:

نفس الطبع .. :242:

[سلطان زمانه]

الصراحة مرة ابلشتني بنت اختي نجحت وقالت عطني 200 ريال
رحت عطيتها 20 ريال وزدنا صفر ومشى الوضع بس ذي الريال زيتي
والخمسة وردية

[●{الوتــَـَـِـِـِـيـن}●]

ههههههههههههههههههه
فزفز الله يرجك
هذي مثل ولد اختي عطاه اخوي ريالين يبي يروح للبقاله
وجلس يصيح يقول لا ماما تعيي بس قالت لي خذ من امك وابوك وبس عيب تاخذ من احد فلوس
انت عطني واحد والثاني لا مابيه عيب خخخخخخخخخ يعني الريال حلال والريالين عيب
وربي مجانين

[فزوـوـوـولها]

حياك مجهو ل...

ياخي مرورك له طعم خاص ....



تعال وربي خوفتني حتى ملامحها مااذكرها ..

بزارين اخر زمن

نورت اخوي الصفحه ..

شوكرن وسهلن

[فزوـوـوـولها]

هلا سلطان ...

بلا بنت اختك ذي سبهه ..

مو جنيه مثل ذا اللي طلعت روحي ...



نورت سلطان ...


سلامنشن

[فزوـوـوـولها]

هلا بالدله ..

وه بس مااروعس ...

وربي ولدكم ذا شي ..

يعرف العيب صحيح ههههههههههههههههههههههههههههه


نورتي

سلامنشن