موضوع مهم للنقاش ليه البنت تقول(ياليتني ولد)

[رٌٍآئدًٍ بٌَِنْ عًٍبٌَِدًٍآلرٌٍحٍّمًنْ]

صباح الخير


بصراحة في موضوع يشغل بال اغلب البنات
والأكيد ان هذا الموضوع نتيجة لأمور كثيرة تواجه المجتمع النسائي .....ولو نخصصة نقول المجتمع البناتي
والموضوع يتلخص بعبارة تلقاها مثل التنفيس اللي يلجأ له
(ياليتني ولد)
لما يكون في عزيمة ...والكل مستعد وتجهز....ويطلعون برا وينادون السواق....وأخيرا يلقون السواق مو موجود
وبعد جوله على جوالات الاخوان.... وتسيرة على جوال الابو
ويأس من ظهور السواق
وبعد جملة مافيه روحة ارقوا غيروا
تلاقي صرخة تسبق هالجملة وتعبر عن الموقف بقوة
(ياليتني ولد )
والا بجمعة عائليه ...وتخيم حلو بالربيع
العيال مجتمعين يلعبون بالبقي والدبابات
وبعضهم معه جمس والا جيب
والباقين باللوت والمنيبولي
وضحك وبسطة
والبنات اللي معهم جوالات ويروح رجاها بالهوا
والثانيه واقفة تترجى اخوها ...بدون فايدة
والثالثة بعد مايأست رجعت لسواليف الحريم المملة والكيئبه
مع ان طلباتهم ماتعدت دورة بالجيب بين هالرمال
والا دورة بالبقي
والا حتى يمكن شريط بسيارتهم بس ماأحد راضي يعطيها المفتاح
والنهاية
(ياليتني ولد )
وأحيانا تعزم صديقاتها
وتقولهم بكل الفخر
العشا على ...لا ومن وين من الريف الايطالي ......طلبيه عشان خاطر عيونكم
هم ماعندهم سواق
لأن الاب يقول عندكم 5 اخوان
(حنا مانحتاج سواق البيت كله شباب)
وإذا كانوا هالشباب
واحد مقفل جواله
والثاني بالبر مايوصل له الارسال
والثالث نايم بالملحق ولا في امل يصحى
والرابع بالغرفة ...وقافل على نفسه الباب ...ويقول لااحد يزعجني
والخامس مع عيال أخواله عندهم دورية
والعشا يتفركش
والاعذار تتسكت بوجبات( بتوصيل منزلي) من هرفي
واول مايطلعون
تسمع صرخة بالحوش
(ياليتني ولد)
كل شيء يهون بس اللي مايهون ايام العطل
قبل العطلة يمكن بشهر
البنات حول الابو
يبه تكفى ..الله يسلمك ...الله يعافيك ...الله يخليك ....الله لا يحرمنا منك ..الله ....الله... الله... الله
نبي نسافر ذا السنة
لا وانا ابوكم ذا السنة مشغول
عندي انتداب عمل
ويمكن عمل اجباري
هالسنة امكم والده
وين ناخذ بزر بالشهور معنا
وأخوكم مهند
توه يمشي
تبونه يشغلنا اذا سافرنا والا يضيع من بين ايدينا
تدرون
تبون جدة والا الشرقيه ...يالله اختاروا ...
والا وش رايكم نروح عند اهلكم بالعيينه
بنفس هالوقت يدخل فيصل
يبه عن إذنك ترا اليوم رحلتي مع محمد وتركي وخالد ولد عمتي
بنسير على مصر ام الدنيا كم يوم ونجي
عاد زي ماقلتلك يمكن نمر شرم الشيخ
هاه يأخوتي ياحلوين تامرون على شيء قبل ماأروح
إيه
سموا
تبادل
ايش
(ياليتنا أولاد)
ولما تكونين جالسة على اللاب توب
وتو النت شابك
(تم تسجيل دخولك الى شبكة الاتصال )
وتوك فاتحة على المفضلة تبين تشيكين على الموقع اللي تبي تدخلينه
الا اللي فوق راسك
ومن صار ...اليكر ...نواف ....حبيب البيت ......وبرا البيت
_____________
قفلي النت
ليه؟؟؟؟؟
ابي التلفون ....وثاني مرة لعد تشبكينه فاهمة !!!!اوكي
وليه معد أشبكه
اولا صرف ....ثانيا بنت ....ثالثا وشوله تشبكينه ...وش الفايدة...؟؟؟؟ماله داعي
!!!!
لاأحد يرفع السماعة طيب......
(ياليتني ولد)
طبعا صايرة كلمة للعائلات فقط تستفز شريحة كبيرة من الشباب هنا
اضف الموضوعات الصحفيه المنتشرة بخصوص هالموضوع
طبعا هالافته بقدر ماهي مزعجة
بقدر ماتخليك تفكر وتمعن فيها
الكل مع الشباب المعارضين لها
لان المحطات الترفيهية لهم قليلة
لكن ،،،لما يجون يقارنونها بالبنات .......هنا نوقف شوي
أغلب المجتمعات النسائيه كيئبة ومملة بشكل كبيييييييير
والسواليف أغلبها تقتصر على
لبست...شرت ...انخطبت ...تزوجت....حملت....سافرت
وتلاقي درجة الغلينا عند البنات من هالسواليف توصل 100درجة مئويه
الطلعات برا و مع الصديقات....أغلب العوائل محدودة
والبقيه مابين حريه مطلقة....الى منع مطلق ...فالبيت هو المنتزه الموجود المشترك
وش في هالمنتزه ؟؟؟؟؟؟؟؟؟؟؟؟؟؟؟؟
مثلا تلفون
أغلب العبارات التي تنقال على اللي تكلم
ايه تلفون 24 ساعة انتي ماتملين
بالله عليكم وش تقولون كل هالوقت
منهي ذي ؟؟؟؟ هذي تغريد....هماك توك شايفتها بالجامعة
قفلي التلفون .....ليه؟؟؟؟؟؟؟بس موب الزم كل ذي الهذرة-
من بتكلمين نهى ...مو لازم بكرة بتشوفينها بالعزيمة ألحين انتظر تلفون من أختك ببريطانيا _
من اللي شاغل التلفون ...والله اني قايلته شوفي سوير ان رفعتيه ثاني مرة لا تلومين الا نفسك
__________________________________________________
______________
طيب موب لازم انترنت ولا تلفون لانه امر مفروغ منه ...بس أخوي مسموح له .....ابوي دايم يقول ان اخوي ولد وعادي لو يشبك النت ...ولو قلتله على الفاتورة ...قال هو يشبك على خطه ...انا مالي دخل
طيب اروح عند التلفزيون ....لا لا لا
مستحيل التليفزون انقلب الى أداة لترويج المنكر ...كله استعرض للبنات ....وهو خراب لعقولنا يالبنات
أداة استحقر نفسي إذا شفتها ...حتى الافلام اللي شفتها معادة بالقناة نفسها 4 مرات
غير البرامج والسخافات ووووووو...............
وين أجل وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مافي قدامي غير غرفتي .....تدرون وش ابسوي فيها
-
-
-
-
-
-
-
-
-
-
-
-
-
-
-
-
-
-
-
(ااذاكر)
!!!!!!عرفتوا ليه البنات اشطر من الاولاد ...........استوعبتوا السر ؟؟؟؟عشان كذا حنا الأولاد لو نقعد بالبيت كان شفتووووو الذيابه عن جد والدفاره
طبعا في اشياء ثانيه موجودة
بس هذي اهم الاشياء
وأول ماتفتح الكتاب وتمسك القلم
(اففففففففففففففففففففففففففففففففففففففففففففف(يا
ليتني ولد
لو أني ولد ...
أول شيء اسويه اروح أخذ امي واخوتي وامشيهم بشوراع الرياض
ونروح نشرب لنا قهوة من توتي كافيه
ولا نمر على ملك المانجو وناخذلنا كوكتيل
والا نروح لابو كمال واعشيهم على حسابي
والا أفاجئهم بتذاكر لمكة عشان ناخذ لنا عمرة
(او ناخذهم ونروح لاي مكان مكتوب فيه (للعائلات فقط
وادخـــــــــــــــــــــــــــــــــــــــــــله
معقوله هذا اللي الشباب يتذمرون منه......اثاري دخوله سهل .........وسهل مررررررررررررة
والله ان البنات متعقدات من انفسهم فأحمدو ربكم يا شباااااااب على العافيه
ولا احد يزعل مني خوذو رأي البنات وشوفو ردهم زي هذا والا لا ؟؟؟


م
ن
ق
و
ل


موضوع ونقاش عجبني وحبيته نتناقش كلنا..
انطر ارائـــــــــــــــــــــــــــكم

[سلطانة جدة]

ماأقــــــــــول غير


" الحمــــــــــدلله إني بنت "


مابي أصير ولد ولا شي .. طلعة وأطلع ، نت وأشبك ، تليفون وأكلم ، ومذاكرة وأذاكر ووووو إلـــــخ



يارب لك الحمــــــــــــد




بصرااااااحــــة مايقول كذا غير إللي عندهم كبت .. أهلهم يحبسونهم بالبيت ويمنعونهم من النت والتليفون وأشياء

كثيرة .. يحسبون هذا الشي صــــــــــح وفي صالح بناتهم لكنه غلط وأكبر غلط .. في شي اسمه توجيه نصيحة

لكن مو منـــــــــــــع ليش خير إن شاء الله ؟ في أي عصر إحنا ؟؟ !!




في الأخير أقوووووول


"< الحمدلله إني بنت > "




وشكرا يارائــــــــــد على الموضوع وفتح باب النقاش ..

[{روحـےْ ..~]

خخخخخخخ

و الله يا الغالي اللي قالته سلطانة حلوو

وانا احب اضيف نقطه أو بمعنى اخر اغير نقطه وحده

اخوي اللي تقول يا ريتني ولــــــــــــــــــــــــــــد

فهذي مشكله كبيره

أولاً : أن فيه اعتراض على خلق الله ..

< وهذا اعظم من اللي بعده ولا حول ولا قوة الا بالله

و الثاني : المــــــــــرض النفســــــــــي للفتاة

أو كما قالت الاخت سلطانة هذا هو الكبت بعينه

مشكور اخوي

[غيمه عطشانه..]

مشكوووووور اخوي على فتح باب النقاش ,,

الا بعض الاحيان اقول ياليت ولد ونص بعد ..

اكون محتاجه اني اطلع ,, اتصل على فلان .. وينك

والله مرني صديقي وطلعت...

والثاني .. دااااااااايخ بجي انا على طول .. ماني فااضي مشاوير ..

يعني لو اني ولد .. مااحتجت لاحد .. معي سياره وادقها سلف

.. مو مسألة كبت او غيرهـ .. بس هذي اشياء تصير بالحياه ,,

واذا اخوي والله رضا اليوم يوديني .. بكره مابوووهـ امل ,,


مااعترض على خلق ربي .. بس يمكن اقولها على سبيل الفضفضه وبس ,,


والنت .. اوك شغال معي اربع وعشرين ساعه ,,

بس اذا تقفلت الشبكه اللاسلكيه .. غصب عني اقوم واخليه لهم ..


وربي احترام لهم ومحبه ..

يرتفع ضغطي من هالشي .. واقول.. ياليتني ولد .. ع الاقل اروح المقهى ,,


اشيااااااااااااااااااااااااااااااااء كثيره تصير بالحياه ..

تجربني اني اقول ياليتني ولد ,,


بس وربي عيشة البنات فــــــــــــــــله ,, ما تنعاف ,,


آآآآآآآآآآآآسفه اخوي ع الاطاله ..

بس ماحسيت بنفسي وانا اكتب << معصبه


يعافيك ربي ,,


تحيتي ,, غيمه

[فقط الأعضاء المسجلين والمفعلين يمكنهم رؤية الروابط]

[سواد الليل]

هههههههههههههههههههههه

غيمة

تبين

تصيرين

ولد

بس علشان الطلعات

في هالوقت

صار ينخاف على الولد

اكثر

من البنت

يكفي اللي نسمعه

عن فلان والثاني

كل شخص

يمدح فيهم وفي عقلهم واليوم الثاني

نسمع عنهم


اشياء ماتسر

يسلمووو حبيبي

على الموضوع

[رٌٍآئدًٍ بٌَِنْ عًٍبٌَِدًٍآلرٌٍحٍّمًنْ]

مشكورين أخواني وأخواتي على مرورك الكريم

ومشكوره اختي غيمه على الصراحه

[البندر]

الحقيقه انا اتفق مع غيمه عطشانه . يعني انا بفهم مادري ليش المجتمع الخليجي او العربي بشكل عام يعامل المراه على انها مواطنه من الدرجه الثانيه . مثلا بدول الخليج قليل من النساء اللواتي يقدن سياراتهن اما في المملكه
فلا يوجد نساء يقدن سياراتهن . يجب ان نعلم ان المراه هي كائن بشري وليست من كوكب اخر .
وانا الحقيقه اتعاطف كثيرا مع النساء وكان الله بعونكم يالبناااااااااات
تقبلوا تحيتي

[فزوـوـوـولها]

تسلم عليك فزولها وتقول ::


آآآآآآآآآآآآآآآآآه ياليتني ولد ..

ياليتني ولد ..


مو علشان الطلعات والا علشان اسوق لا لا لا


علشان مايصير لي شعر امشطه كل يوم خخخخخخ



وه بس

والله الصراحه


بعض الاحيان اقول وبعض احمد ربي اني بنت <<احلفي


يعافيك رائد


سلامنشن

[الشاطر حسن]

اعتقد عشان متشلش الشعر بالحلاوة